Bio:

3AZOTEAS ten como única pretensión darlle cabida ás inquedanzas musicais colectivas dos seus integrantes, tomando o jazz como punto de partida, pero dende unha perspectiva aberta, sen prexuízos nin imposicións estilísticas ou compositivas. O nome do grupo pode verse como unha alegoría do que implica como elemento construtivo; tres azoteas decoradas, organizadas e amobladas dunha forma diferente, pero integrantes do mesmo edificio e por tanto ensambladas dentro dunha construción e duns parámetros arquitectónicos similares. Este encontro musical, esta sorte de comunidade de veciños creativa, tenta facer un compendio dos gustos e experiencias musicais dos seus inquilinos para dar lugar a un proxecto no que a música se estenda como un fluído por riba das estruturas.

O trío participou no Festival de Jazz de Vigo Imaxinasons 2008, no XXXVI Certame Audiovisual Casino Liceo de Vilagarcía, no Festival Iberojazz 2009, no Arteria Noroeste Jazz Festival na sede da SGAE en Santiago de Compostela, no Pontevedra Campus Jazz 09, e no festival de Jazz das Mariñas, ademais de estar actualmente en proceso de producción do seu primeiro traballo discográfico.

Pablo Pérez (contrabaixo, baixo eléctrico) ten unha bagaxe ampla e aberta como instrumentista e como compositor. Estudou con músicos como Daniel Martínez, Cecilio Morales, Quique Alvarado, Paco Charlín, Kin García, Dalibor Sebestnik e Alfonso Morán. Compuxo música para curtametraxes como “Tauromaquia” ou montaxes teatrais como “O Navegante” de Chévere. Neste mesmo ámbito é contrabaixista de directo da compañía Berrobambán. A súa música pode escoitarse en documentais, programas de televisión, spots comerciais de tv, radio e videoxogos. A súa actividade instrumental pasa por diversas formacións de música tradicional como “Fía Na Roca” ou “Xúa”, sendo nesta última tamén compositor e arranxista.

Iago Mouriño (piano, teclados) formouse inicialmente como pianista clásico, combinando ou seus estudos de Grao Medio cos seus primeiros pasos na música moderna. Formouse con músicos como Xavier Constenla e Carlos Calviño e actualmente é estudiante do Conservatorio Superior de Música de A Coruña. A súa actividade musical uniuse á teatral como compositor e guionista da compañía Teatro Secundario e colaborador habitual na montaxe de espazos sonoros para a Escola Municipal de Teatro de Lalín e actualmente formando parte da compañía profesional Fantoches Baj. Compuxo música para spots e fixo guións e fondos sonoros de radionovelas así como programas diversos de radio. Forma parte do Cuarteto Ancestral da productora Ancestral Música, participando en espectáculos de cine mudo con música en directo e concertos didácticos de música clásica, ademais de tocar ou gravar con grupos de pop-rock como Heissel, Gloomy House, Deuteronistas, Suitable, Atmósfera 0, facer colaboracións co Conservatorio de Música Tradicional e Folque de Lalín ou formar parte de grupos de jazz como Tres Tria Trium, Telegraph Vadis, DinA4ou Jazzeros Inoxidables.

Miguel Queixas (batería) comeza no mundo da música de forma autodidácta ós 15 anos animado pola idea de montar unha banda de rock xunto cos seus amigos de sempre. Toma leccións de batería e linguaxe musical en Escuela de Músicos (A Coruña) onde recibe leccións dos bateristas Andrés Rivas e Manolo Brei. Un ano máis tarde comeza a estudiar na Escola Municipal de Música de A Coruña. Alí coñece a Miguel Cabana, o que significa un punto de inflexión á hora de decidir entregarse a tempo total á música e á batería. Con el estudia oficialmente durante 8 anos, e sígueo a facelo día a día compartindo un proxecto de percusión afro-cubana xunto co tamén gran percusionista Javier Ferreiro "Man" (Luar na lubre) Entre os anos 1999-2004 pasa por diferentes orquestras de baile galegas para logo continua-los os seus estudos tanto na Escola Municipal de Música de A Coruña na súa especialidade de jazz, impartida polo guitarrista José Antonio Acuña, como na "Escuela de Músicos" onde recibe clases da baterista Teresa Sayas. Dende o ano 2005 forma parte dos músicos compañía Nova Galega de Danza, ca que representa os espectáculos "Alento" e "Engado". Durante o curso 2006-07 impartiu clases de bateria na xa citada "Escuela de Músicos" e no "Centro de Ensinanzas Musicais Adagio Cantabile" (A Coruña) Nese mesmo curso presentase ás probas de acceso ó Conservatorio Superior de Música de A Coruña, na especialidade de Jazz, onde estudia o terceiro curso. É o baterista da xa citada Nova Galega de Danza, ca que representa actualmente o seu novo espectáculo “Tradicción.

Member Since:

July 06, 2008

Members:

Pablo Pérez (contrabaixo, baixo eléctrico) Iago Mouriño (piano, teclados) Miguel Queixas (bateria) .. 3AZOTEAS IMAXINASÓNS'08 EN MANTECA JAZZ (VIGO)

Influences:

Iria
3AZOTEAS IMAXINASÓNS'08 EN MANTECA JAZZ (VIGO)

Sounds Like:

Circulo Vermello
3AZOTEAS IMAXINASÓNS'08 EN MANTECA JAZZ (VIGO)

Record Label:

sin contrato discográfico