bOnOvO comeza aquí o camiño na busca dun son que non entende de etiquetas, co afán de romper as barreiras do establecido e que ten como principio fundamental a fusión de tres instrumentos e personalidades propias, nunha simbiose musical imprevisible.
Tres coñecidos músicos galegos: Óscar Fernández, Roberto Grandal e Pulpinho Viascón, con traxectorias musicais moi dispares (Os Cempés, Diplomáticos de Monte Alto, Jarbanzo Neghro, Budiño, Susana Seivane …) conflúen nun proxecto que aporta aire fresco e unha nova sonoridade ao panorama musical galego. bOnOvO presentouse para Galiza no verán de 2007 no escenario do Festival do mundo celta de Ortigueira, e a través de Abada para o resto do mundo na feira internacional WOMEX en Sevilla. O grupo destaca como un proxecto innovador no tocante ao tratamento dos instrumentos, ao uso e adaptación do cancioneiro popular incluso a través de melodías do século XV, aínda que o repertorio ofrece unha maioría de composicións propias.
A esencia acústica da zanfona ou do acordeón, mesturados con batería electrónica, efectos e instrumentos virtuais, proporciona as ferramentas ao trío para interpretar en rigoroso directo todos os elementos que compoñen o son de bOnOvO.
O disco homónimo de bOnOvO editarase en maio de 2008 e representa fielmente o traballo da banda en directo: Fresco, elegante, enerxético e contundente. Na web www.bonovo.org está a disposición do público un previo de catro cancións e vídeos da xira de presentación de bOnOvO en festivais como o de Plasencia, Festival de Ortigueira ou Chuvia'07 en Riveira.
ÓSCAR FERNANDEZ_ zanfona
Toca a zanfona, instrumento de fonda raigame galega que nas súas mans adquire novas dimensións.
Nos seus comezos familiarizouse con instrumentos como a frauta, a guitarra ou o acordeón.
A partir da creación do grupo Os Cempés, destaca como compositor sendo o artífice das composicións e arranxos nos cinco traballos discográficos que editou a banda ao longo dos dez últimos anos, sendo hoxe en día unha das bandas galegas máis representativas e carismáticas. Durante a súa andaina musical, colaborou ademais con outros artistas como Chouteira, Xochilmica, Uxía Senlle, O Jarbanzo Negro, Doa. Destaca o traballo discográfico realizado xunto con Germán Díaz e Marc Egea sobre á interpretación actual da zanfona en España.
Na actualidade imparte clases de zanfona en diferentes escolas onde non só ensina a interpretar música tradicional e outras músicas coa zanfona, tamén explora todas as capacidades e avances técnicos que existen ao redor de este instrumento. Óscar Fernández é autor da maioría dos temas de bOnOvO, impregnados de influenzas tradicionais galegas, foráneas e do inconfundible estilo que o caracteriza como músico.
ROBERTO GRANDAL_ acordeón MIDI
Cursou estudos de solfexo, harmonía, Historia da música e canto no Conservatorio da Coruña e estudos de acordeón no Conservatorio Superior de Música de Barcelona. Fundador de grupos como Brendefolk o Silvardeira, colaborou con diversos artistas como X.M. Budiño, Susana Seivane, Doa ou Leilía.
O acordeón está considerado un dos instrumentos máis completos pola variedade de timbres e tesituras que posúe, así como polas capacidades como ferramenta de acompañamento. Nas súas mans e coa axuda dun ordenador,o acordeón transfórmase nunha versión electrificada de si mesmo, engadindo liñas de baixo, sintetizadores e efectos interpretados en directo, sen deixar de lado o son acústico e cálido do acordeón. Na actualidade compaxina a súa actividade musical en bOnOvO ou Serra-lhe aí!!! coa produción audiovisual, o deseño e a representación en Abada xestión cultural.
PULPIÑO VIASCÓN_ batería electrónica e serrucho
Un sorprendente multi-instrumentista que aporta unha base sólida e rítmica á banda con innovadoras e versátiles percusións e un estilo inconfundible. Empregando a batería electrónica, Pulpiño dispón dunha paleta de sons e efectos que selecciona para cada tema de bOnOvO, engadindo sons electrónicos clásicos ou de vangarda, cun estilo enérxico e persoal que imprime carácter a un instrumento electrónico.
Durante a súa carreira formou parte de grupos como: Os verjalludos, Escupe escapa, Irmáns bochechiñas, Os Diplomáticos de Monte Alto, Teck pileck (Frankfurt), O Jarbanzo Negro (Amsterdam)… Ademais, durante este tempo desenvolveu a súa faceta de clown en diferentes circos (Barcelona, Suiza...).
Pulpiño é a voz, o serrón musical e o autor de "In the Ocean", un tema a xeito de hit que
quere pechar cun sorriso o CD e o Directo de bOnOvO.
CONTRATACIÓN:
Contacto: Loli López
Dirección: Vía Pasteur, 5-2º B - Políg. Ind. do Tambre. 15890 Santiago de Compostela.
Galicia - SPAIN
Tel/fax. +34 981 576 574 / 659 484 803 mail abada/ www.abada.es
bOnOvO nace como un proxecto musical co propósito de colmar as inquedanzas de tres músicos na procura dunha nova sonoridade. A mistura das músicas que levan no seu interior conforman o trío... Lixeiramente asíncrono.
A esencia dos sons acústicos salseados con tecnoloxía de vangarda, quere romper barreiras co establecido, explorando alén do coñecido as posibilidades de tres instrumentos tan polivalentes.
bOnOvO comezan aquí o camiño na busca dun son que non entende de etiquetas, que ten como principio fundamental a fusión de tres instrumentos e tres personalidades de seu, nunha simbiose musical imprevisíbel.
bOnOvO propón un espectáculo inquedo, cun ritmo frenético e bailábel, que non deixará a ninguén indiferente. Pode ou non facer bailar teu corpo, pero de seguro que si o fará a túa mente.
Buenas. Buenísimos estos temas que tedes nel Myspace. Viva el traballo bien feito. Suerte por bretaña y a ver cuando tocais por el occidente d'Asturias ou por a mariña de Lugo. Saludos.
Gracias por me adicionarem como amiga! Existem muitos pontos comuns na nossa música,assim como uma atitude perante a música que nos "obriga" a encontrar novos caminhos! Por isso a caminhada é mais dificil mas os resultados são mais estimulantes! Talvez nos encontremos um dia destes! Um abraço e muita sorte! Luisa
Salut à tous ! Le DRAC est parmi vous ...! BRICK A DRAC sort son premier Album ce mois-ci. En voici un aperçu sur notre page myspace où vous pouvez le commander dès aujourd'hui: http://myspace.com/brickadrac A leu Amics! BAD
Estamos participando en un concurso de nat geo, con nuestro tema RESCATE_R, en el cual sólo las personas o grupos usuarios de myspace pueden votar. Así que los que quieran apoyar la causa pueden hacerlo siguiendo estos 3 pasos despúes de iniciada la sesión:
Con permiso... Gran Verbena Aniversario de Propolis, con numerosas actividades durante todo o día. E as actuacións de Javier Ferreirós & Friscollos, Chotokoeu e Duplo Son a partir das 20:00h. Todo por unha moi económica entrada de balde.
Munches gracies. Oscar, aún no tengo el disco en mis manos. Ya tengo ganas de escucharlo, lo que teneis colgado suena pero que muy bien. A ver si es verdad y nos vemos pronto por Galicia para disfrutar de la gastronomía gallega, ya sabes: fabes, sidra....(je,je). Un besu
