Dramaverkstaðið

About me:

Á heysti 1997 fekk Hjørdis Johansen hugskotið at byrja Dramaverkstaðið á gamla snikkara- og orgulverkstaðnum hjá pápanum Verland Johansen. Húsini standa uppi á Hálsi í Havn, Hallarheygur 2. Tað er í brekkuni niðan á Nabb, har tann grøna ítráttarhøllin er. Saman við manninum Christian Kruse keyptu tey verkstaðið í 1986, og fram til 1996 virkaði verkstaðið sum orgulverkstaður burturav. Aftaná at kreppan hevði gjørt um seg, var einki orgul at byggja, og lykilin var snaraður um. Verkstaðið stóð tómt eina tíð, líka til hetta hugskotið um Dramaverkstað fór at spíra. Farið var undir at rudda, vaska og mála, og í januar 1998 var klárt at byrja. Skeiðvirksemi byrjaði fyri børnum og ungum, úr øllum landinum, í februar 1998. Á fyrsta skeiði vóru tað 5 bólkar við umleið 12 næmingum í hvørjum bólki. Skeið hava síðani verið á hvørjum árið og næmingatalið hevur ligið millum 1oo og 120 hvørt ár. Nógvar sjónleikarframførslur hava verið á Dramaverkstaðnum, Meiarínum, Læraraskúlahøllini og í Sjónleikarhúsinum, umframt uttanlandaferðir og luttøkur á barnasjónleikarstevnum víða hvar. Børnini á Dramaverkstaðnum eru meginparturin úr Havn, men eisini av bygd. Til dømis hava fleiri gingið og ganga úr Eysturoynni, somuleiðis sum Norðurstreymoy eisini er umboðað. Drama/sjónleikarverkstaðið arbeiður bæði við drama (prosessini) og við at seta leikir upp. .. ..

Myspace.com Blogs - Dramaverkstaðið spælur á Meiarínum 7. og 8. juni - Dramaverkstadid MySpace
..