Luar na Lubre

Bio:

ENGLISH | CASTELLANO

No ano 1986 nace LUAR NA LUBRE na cidade de A Coruña, convertíndose co paso dos anos e o seu teimoso traballo, nunha das formacións máis prometedoras e referenciais da música feita na Galiza e en galego. O traballo que desenrola a banda está enfocado dende a óptica de entender que a música é un dos factores culturais máis importantes para a afirmación do dereito á diferencia enriquecedora do pobo galego.
O grupo pretende que na Galiza predomine a súa cultura, aínda que non rexeita influenzas que melloren a súa proposta, sen deturpar o carácter central do seu proxecto, que baséase fundamentalmente nas músicas de raiz e língua galegas, polo que adican especial atención ao estudo dos cancioneiros galegos, así como ao traballo de campo, que lles proporciona un fondo coñecemento sobre a realidade musical galega, que tamén se revela determinante nas composicións propias.

LUAR NA LUBRE é hoxendía a banda máis internacional da Galiza, así pois dende Palestina a Canada, e dende Arxentina a Alemaña, levan percorrido parte do planeta levando a cultura e a música da nosa terra a través da súa proposta.
No ano 1992 coñeceron ao músico británico Mike Oldfield para o cal ofreceron un concerto privado nunha coñecida sala de concertos coruñesa. Dese improvisado concerto saiu unha amizade que ainda perdura e que se traduciu nunha relación que levou a Mike a facer unha versión de "O SON DO AR" composición de Bieito Romero, un dos temas máis emblemáticos de Luar Na Lubre e título do que no 1988 foi o seu primeiro L.P. Mike incluiuno no seu C.D. "Voyager" (1996) como tema 1. Esto foi determinante na carreira de Luar Na Lubre sendo un gran impulso á súa proposta que medrou cando o propio Mike os convidou no 1999 a realizar a xira "Then & Now" por diferentes cidades do estado con grande éxito e confirmándose como grupo "revelación".

Entre as xiras por Galiza, estado español e mundo, no ano 2004 e dirixida por Ignacio Vilar, LUAR NA LUBRE gravou o seu primeiro DVD onde se recolle parte da súa traxectoria e vivencias. Unha experiencia magnífica, onde se combinan as paisaxes do noso país, a música do grupo e as anécdotas persoais de cada un dos seus membros.
É destacabel tamén a incorporación da nova voz do grupo. Tras a estela de Ana Espinosa e Rosa Cedrón, chega a doce e persoal voz da lisboeta Sara Vidal, que confirma un aporte de frescura e nitidez á nova etapa da banda.

Língua Galega | Galician Language | Idioma Gallego
http://www.xunta.es/linguagalega

---

+ VIDEOS YOUTUBE

Members:

Bieito Romero - Gaita e acordeón [galician bagpipe and accordion]

Eduardo Coma - Violin [violin]

Patxi Bermudez - Bodhran, tambor galego e djimbek [bodhran, galician tambour and djimbek]

Pedro Valero - Guitarra acústica e baixo pedal [acoustic guitar and bass pedal]

Sara Vidal - Voz e pandeireta galega [voice and galician tambourine]

Xan Cerqueiro - Frauta traveseira, whistles e Teclado [transversal flute, whistles and keyboard]

Xavier Ferreiro - Percusións latinas e efectos [latin percusion and efects]

Xúlio Varela - Bouzouki, coros e percusión tradicional galega [irish bouzouki, backvocal and traditional galician percusion]

..

.. BOOKING / MANAGEMENT
SERGIO CRUZADO

sergio@gintonicmusic.com
www.gintonicmusic.com
Tel _ 0034 943 401 418
Fax _ 0034 943 401 435


Luar na Lubre Facebook Oficial