Luvas Verdes comezou a súa andaina no ano 2001 coa intención de crear pezas de composición propia e facer arranxos de temas tradicionais dándolle unha faceta importante á percusión. Foi considerado unanimemente como dos mellores do país polos premios acadados ao longo dos case seis anos de vida coa formación inicial: Pepe Montero (tamboril), Melo Suárez (bombo), e os gaiteiros Pedro Lamas e Daniel Bellón. Dezasete primeiros postos e só un segundo convérteos no cuarteto de música tradicional máis laureado da historia de Galicia: gañadores do concurso de cuartetos de música tradicional de Sanxenxo, o de cuartetos e quintetos tradicionais Gaitas do país, de Sarria, o de cuartetos e quintetos Memorial Ricardo Portela, en Pontevedra, ou o certame para cuartetos Rosalía de Castro de Padrón, entre outros.
Distintas composicións do grupo teñen sido galardoadas nos máis prestixiosos certames celebrados en Galicia e son interpretadas tamén por grupos como a Orquestra de Corda de Antón Seijo (violinista de Milladoiro), Nova Galega de Danza ou Susana Seivane, e por destacados solistas e conxuntos do panorama musical galego nos últimos anos.
No 2005 todo o traballo desenvolvido da o froito da publicación do seu primer disco Fandango Desesperado, editado polo selo Nova Galega de Danza. Contaron coa colaboración do cantautor Xabier Díaz e dos compoñentes de Os sete estalos, formación paralela que compartía integrantes con Luvas Verdes. O disco amosa a frescura do seu son sen complexos e desenvolve un espectro melódico, rítmico e harmónico do repertorio tradicional ao tempo que afonda nas correntes da música moderna.
Outra participación salientable é a da recreación en directo da banda sonora da película ‘La Casa de la Troya’ (Alejandro Pérez Lugín-Manuel Noriega, 1924) en distintas cidades españolas, co motivo da súa restauración no 2003 pola Filmoteca Española e o Centro Galego de Artes da Imaxe (CGAI).
No 2007 Daniel Bellón e Pedro Lamas retoman o traballo iniciado para volver non só como grupo senón para levar esta proposta tamén ao ámbito do ensino a través de cursos, recuperación de repertorio tradicional e outras innovacións. Nesta nova andaina están acompañados por colaboradores da talla de Suso Vaamonde, Xosé Lois Romero, Xabier Díaz e Agustín Sánchez entre outros.
A finais de ano o grupo agarda presentar o seu segundo traballo discográfico que será unha revisión do repertorio popularizado pola desaparecida formación Lelia Doura.
Hola chicos/as !!! Playyoursong es una iniciativa que pretende transmitir a nivel mundial la importancia que tienen artistas como vosotros/as en el panorama musical, ampliando así vuestras posibilidades de promoción. Si os interesa dar a conocer vuestra música, ES MUY SENCILLO, SOLO TENEIS QUE RELLENAR UN PEQUEÑO FORMULARIO DE REGISTRO EN EL SIGUIENTE ENLACE, validar la cuenta, e insertar posteriormente la creación musical que se desee (en formato MP3) Acceso website :
Con permiso, info de nuestro concer, 3 de Octubre en Villalba con Zamburiel. Los más dispares rincones del folk celta se darán la mano en este concierto para llevar a todo el público en The Brewer Irish Tabern en un apasionante viaje por las tierras celtas y las distintas formas de ver su música.
Máis de 170 músicos e bailaríns, lutieres de gaita, pulpeiros, empanada, paellas, miles de litros de sidra... Ven a bufar a morriña do ceo mediterráneo.
