Somos un grupo de música infantil formado por sete músicos. Batería, percusión tradicional, frautas e gaita, baixo eléctrico, acordeón, guitalla eléctrica e voz.
Para facer o noso repertorio baseámonos en poemas de: GLORIA SÁNCHEZ, ANA MARÍA FERNÁNDEZ, CONCHA BLANCO, ANTONIO GARCÍA TEIJEIRO, etc., aínda que tamén temos cancións propias ou temas que adaptamos do noso folcrore.
Nas actuacións buscamos a participación dos nenos e nenas, propoñendo xogos como: imitar os xestos, facer acompañamentos rítmicos sinxelos, repetir un pequeno retrouso, ..., e rematamos presentando os instrumentos que empregamos dunha maneira lúdica e divertida.
Actualmente temos catro traballos publicados, un é CANTOS RODADOS que consta dun libro xigante, un CD con dez cancións e un vídeo.
CANTANDO CANTANDO, un almanaque musical e un CD que propón unha canción para cada mes do ano escolar.
CARTAS QUE VEÑEN E VAN un libro-CD con cancións de Susa Herrera, profesora da Facultade de Educación de Pontevedra, arranxadas por Mamá Cabra e cantadas por profesores e profesoras da Asociación Pedagóxico-musical “Soutullo” que asisten ao seu Seminario de Música cada ano.
Estes tres traballos están editados por Primera Persona de A Coruña.
TAN SÓ CON LERES UN LIBRO, un CD Rom con canción, fichas, ilustracións para colorear, partituras, etc. Este CD está editado por Discmedi de Barcelona.
Podedes atopalos en librerías ou tendas de discos, algunhas delas serían:
Na Coruña: “Librería Nós”; en Vigo: “Andel” e “Libros para soñar”; en Lugo: “Trama”; en Santiago: “A Mouga”, “Trisquel”, “Aula 25” e “A Grileira”; e en Ourense: “Librería Internacional”. Básicamente é un espectáculo musical que dura sobre 45-60 minutos, dirixido sobre todo a nenos e nenas de 0 a 10 anos e no que facemos temas do noso repertorio.
Hai cancións para escoitar, outras para saltar, bailar, remar, ..., outras para animar a ler, para reflexionar sobre a necesidade de respectar o noso contorno medioambiental, outras para disfrutar da poesía de Antonio G. Teijeiro, Gloria Sánchez, Concha Blanco, ...
En suma o que facemos é un CONCERTO DE MUSICA enfocado dende unha perspectiva escolar que propón distintas aprendizaxes, poñendo como escusa a música.
