Photo of PEttI

PEttI

PEttI Radio

Music

FEATURED SONG
Bakardadea ehizan
  1. Play
  2. Play Next
  3. Add to queue
Bakardadea ehizan
Album: On
Released: Jun 1, 2007
Label:

General Info

  • Genre: Blues / Folk Rock / Minimalist

    Location Bera, Basque Country is not, Es

    Profile Views: 73717

    Last Login: 5/20/2013

    Member Since 8/30/2007

    Website Pettibera@gmail.com

    Type of Label Indie

  • Bio

    Bakarlaria da Petti (Bera, Nafarroa, 1973) eta amerikar sustraiak dituen rocka egiten du. Bost bakarkako disko kaleratu ditu, ia denak Gaztelupeko Hotsak zigiluarekin, eta Anari, Txuma Murugarren, Rafa Rueda edota Barrence Whitfield kantariekin partekatutako diskoak ere baditu. Pettiren ezaugarri nagusiak, erraietatik ateratzen den ahots urratu eta sakona, bluesaren arimaz kutsaturiko kantu ezkor eta ilunak, gitarra jotzeko trebezia eta taula gaineko indar basa dira. Juan Luis Perez Mitxelena da Pettiren jatorrizko izena. Musikarekin lehenengo kontaktua Noise Hole taldean izan zuen, hamasei urterekin. Geroago, bide esperimentalago bati ekin zion Zup taldearekin batera, baina 1997ra arte ez zen bakarka aritzera ausartu. Haren izena Gaztelupeko Hotsak zigiluari lotuta dago; izan ere, Soraluzeko (Gipuzkoa) diskoetxearekin argitaratu ditu orain arteko lan guztiak. Lehenengoa Amets bat (Gaztelupeko Hotsak, 1999) izan zen, Billy Bragg, Nick Cave eta Nick Drakeren eraginpean egindako diskoa. Lan horretatik hasita, lan guztietan hainbat lagun izan ditu alboan; gehienak, Berako musikariak. Beñardo Goietxek (Morau eta Agotak) lagundu dio beti koruetan eta hitzak idazten, adibidez. Bi urte geroago, Arrazoiak (Gaztelupeko Hotsak, 2001) kaleratu zuen. Arima rockzalea duen diskoa izan arren, folk delakora begira jarri zen bakarlari beratarra, abestiak gitarra eta ahots soilez eratuz. Urte berean, Nafarroako Bertsozale Elkarteak kaleratutako Nafarroa, hitza dantzan bilduman (Gor, 2001) parte hartu zuen, "Isiltasuna oihuka" abestiarekin. Etxeko uzta hirugarren lana (Gaztelupeko Hotsak, 2002) izen bereko taldearekin grabatu zuen: Iñigo Telletxea (baxua), Joseba Irazoki (gitarra) eta Aitor Garzia Maikel (bateria). Disko elektrikoa da, Pettik grabatu duen rockeroena. 2003ko Gasteizko Azkena Rock jaialdian aurkeztu zuen, besteak beste The Hellacopters, Steve Earle eta Iggy Pop & The Stooges taldeekin. Halaber, zenbait kontzertu eman zituen Terry Lee Hale songwriter estatubatuarrarekin Euskal Herrian eta Espainian zehar. Anari kantariaren Habiak (Esan Ozenki, 2000) diskoan kolaboratu ondoren bi artisten artean sortutako adiskidetasunak Anari ta Petti EP partekatua (Metak-Pil Pil Sessions, 2003) ekarri zuen. Pettik bi abesti konposatu zituen ("Asperkeria" eta "Bergmanen mamuak") eta Anarik beste bi ("Orbainak" eta "Inon izatekotan"), eta grabatzeko orduan batak bestearen kantuetan lagundu zuen. Lana aurkezteko kontzertu gutxi batzuk eman zituzten elkarrekin. Segidan, bolada batez agertokietatik desagertu zen Petti. Zuzenean jotzeari utzi zion, arazo pertsonalak zirela medio, eta 2006. urtera arte ez zen haren berririk izan. Estepan Urkiaga Lauaxetaren omenezko Ehungarrenean hamaika diskoan (Gaztelupeko Hotsak, 2005) parte hartu ondoren, hura aurkezteko emanaldietan itzuli zen agertokietara. Disko horren grabazioan ezagutu zuen Rafa Rueda (Pi.L.T.), eta, geroztik, harreman estua izan dute bi musikariek. Horrela, Pettiren hurrengo lana beste disko partekatu bat izan zen, Hauxe (Gaztelupeko Hotsak, 2006), Rafa Rueda eta Txuma Murugarrenekin. Abeslari bakoitzak bi kantu eman zituen (Pettirenak, "Argia heldu da" eta "Txomin Iantziren kantua"), hirurek elkarrekin konposatu eta abestutako "Gaua eta kea" bikainaz gain. Disko horretarako, Ekaitz Hernandez (baxua), Natxo Beltran (bateria) eta Rafa Acevesek (teklatuak) osatu zuten talde laguntzailea. Bost urtean bakarkako diskorik kaleratu gabe igaro ostean, On (Gaztelupeko Hotsak, 2007) plazaratu zuen, ia erabat berritutako talde batekin grabatutako lana: Joseba Irazoki (gitarra), David Gonzalez (baxua; PI.L.T., Berri Txarrak, Cobra), Ekain Elorza (bateria; Seiurte), Arkaitz Miner (biolina eta mandolina) eta Jexux Aranburu (akordeoia, hammond eta fender rhodes). Rafa Rueda arduratu zen diskoaren ekoizpenaz, eta antzematen da kantuak janzteko moduan. Folk kantu biluziak, blues gordina, soul iluna, pop harribitxiak... topa daitezke doinuen aldetik Pettiren lanik osatuena den horretan. Andoni Tolosa, Xabier Montoia, Mixel Labegerie, JosAnton Artze eta Beñardo Goietxeren hitzak musikatu zituen. Bere hurrengo lana Awañak izan zen (Bonberenea Ekintzak, 2008), Rafa Aceves pianistarekin (Mamba Beat) Tolosako Bonberenean grabaturiko zuzeneko diskoa. 2009ko uztailean Katarain estudioan sartu zen Barrence Withfield kantari estatubatuarrarekin eta egun gutxitan disko bat grabatu zuten: Barrence Whitfield eta Petti & The Bloodyhotsaks (Bloody Hotsak, 2009). Hainbat kontzertutan aurkeztu zuten diskoa. Ondoren, Xabi Garre abeslari eta gitarrista donostiarrarekin (Señor No) kontzertu akustikoak ematen hasi zen. Rock & roll, rhythm & blues eta soul egileen bertsioak eskaintzen zituen bikoteak (Ray Charles, David Bowie, Andre Williams, Jimi Hendrix, Rory Gallagher...), eta horietako batzuk disko batean jaso zituen. Diskoan, besteak beste, Chris Casello gitarristak hartu zuen parte. Halaber, 2011. urtean Xabier Lete idazle eta kantariaren omenez antolatutako kontzertuetan parte hartu zuen Pettik. Testua: Xabier Doncel ::::::::::::::::::::::::::::::::::::::::::::::::::::::::::::::::::::::::: Compositor e intérprete navarro. Su música, una sorprendente mezcla de influencias como Mark Lannegan, Tom Waits y Mikel Laboa. Petti, a pesar de su juventud, muestra una gran madurez como cantautor destacando su forma de componer, de cantar y de "rascar" su guitarra. En directo presenta formato acústico y eléctrico. Folk-rock,innovador en sus composiciones. Criticas: _______ Desgarros de esperanza, folk-rock y blues Pablo CABEZA La voz más singular que ha tenido E.H. pertenece a Mikel Laboa. Posee una personalidad especial la de Ruper Ordorika. Lertxundi... y poco más. Pero entre esos pocos se encuentra la gruesa y profunda voz de Petti. Autor que quizá por la época, el estilo y la cultura que le rodea, no ha trascendido más allá del círculo de los apasionados. Petti es un sobrio cantante, buen compositor y guitarrista (sin necesidad de solos) muy por encima de la media. «Awañak» (editado por Bonberenea Ekintzak) recoge en acústico y en directo los valores más descarnados del beratarra. Rompe su garganta, deja que las diferentes acústicas maticen (acompañado por un espléndido y cálido Rafa Aceves al piano), busca el calor en los ritmos y arpegia para hallar detalles de belleza y sonoridad. «Awañak» recorre sus noches con extrema sensibilidad y pasión. Suena folk-rock según, en parte, Nick Drake, se hunde en la historia como un algodón tocando viejo blues y vierte rock con la misma intensidad y fuerza que el fuego de un dragón fantástico. Si es posible, que a nadie se le escape uno de los mejores y más desnudos discos de nuestra historia.

  • Members

  • Influences

    Tom waits, Mikel Laboa, Nick Drake, Ac/dc...

  • Sounds Like

Login

Forgot password?

Need an account? Sign up