Xarín

Bio:

No ano 1987 cinco rapaces da zona do Incio xuntámonos e creamos Xarín, un grupo de gaiteiros movidos polo amor á música de raíz, intentando continuar as nosas tradicións musicais. Os Airiños da Antigua foron os nosos gaiteiros de referencia durante longos anos no Incio, e deles recollemos moitas pezas que inda hoxe mantemos no noso repertorio. Inicialmente a formación compoñíase de tres gaitas, bombo e tambor pero ó pouco tempo incorporouse o acordeón, instrumento que daquelas era novo nos grupos de gaitas da nosa zona. Con esta formación fixemos moitas alboradas e verbenas. Co paso do tempo fómonos enriquecendo coa incorporación de diferentes instrumentos: gaitas en distintas tonalidades, frauta traveseira e novas percusións. Así gravamos o primeiro disco, Gaiteiros do Incio, publicado por Zouma Records, do que se venderon mais de 5.000 copias. No noso segundo traballo, Galaguech, no ano 2008, incorporamos o violín e introducimos pezas propias sen esquece-la tradición. Polo camiño-non podía ser doutro xeito- houbo cambios na formación orixinal, pero sempre conservamos o mesmo entusiasmo pola nosa música tradicional. Na actualidade, buscando novas sonoridades, incorporamos voz e outros instrumentos como clarinete, frauta de pico ou guitarra. Xa estamos a preparar material para un novo disco. ..  

Member Since:

May 13, 2009

Members:

Suso: Frautas e gaitas; Luis: Gaitas e clarinete; Rebeca: Bombo, percusións e gaita; Iria: Violín; Ismael Percusións; José Manuel "Barbeiro": Acordeón; Carolina: Voz, violín, bombo; Braulio: Guitarra ..

Record Label:

http://www.zoumarecords.com/