| "Ma hon yn albym gynta wych, ac o gofio mai oed ysgol oeddan nhw'n recordio, mae'n anhygoel.
Cyfuniad o power pop catchi, reggae uplifting a baledi hyfryd iawn - efo digon o glasuron yn eu mysg - efo cynhyrchiad o safon uchel.
Mae'na berlau arni - Geiriau Gwir, Stafell Fyw (class) i enwi jesd dwy, a'r cwbwl yn gorffan efo cân hyfryd i hogyn ifanc, poblogaidd, o'r ardal, a laddwyd mewn damwain yn ddiweddar.
Band sy'n gallu sgwenu caneuon bachog, tiwns neis, a gneud gwahanol steils, a sgwenu teimladwy am brofiadau amrywiol bywyd.
Os na all y Cymry Cymraeg foddran talu £5 am albym fel hon, a cefnogi band mor ifanc, efo cymaint o dalent ac addewid, yna mae'n rhaid i mi gytuno efo Ann Robinson - be ffwc ydi'n pwynt ni fodoli?"
Dewi Prysor - Vates, 2007
Yr ail fand ymlaen oedd Yr Annioddefol. Band o Flaenau ydi nhw yn wreiddiol gyda Llio yn canu, Ceri ar gitar, Paul ar dryms ac aelodau gymharol newydd sef Gruff (o Llanrwst) ar y gitar a Ben (gynt o'r Wyrligigs) ar y bass.
Dwi'n meddwl fod yr aelodau newydd wedi gwella'r band a mae pethau yn edrych ar y gweill i'r band gyda'u albym i fod allan yn fuan, a nifer o gigs yn dod. Mae'n glir fod yna rywbeth o gwmpas mynyddoedd Eryri sy'n creu bandiau reggae... o Anweledig i'r Di Pravinho o Eifionydd, a mae Yr Annioddefol yn un o'r bandiau hyn. Mae'n reit rhyfeddol clywed band ifanc yn chware 'Jah Vibes Cymraeg o Tref y Cymylau a'r Glaw'.
Mae'r band wedi datblygu ers y tro diwethaf wnes i glywad y band, a un diwrnod mi fydd Yr Annioddefol i gymharu a bandiau gorau yr S.R.G.
Adolygiad o gig ym Mlaenau Ffestiniog, 2006
| 
