Coa militancia lo-fi de Magnetic Fields, a carraxe de The Clash e a vocación enchepistas de LCD Soundsystem chega por fin o aguardado debut de ZIMMER103, Hatt Trick, cinco temas en galego de arriscada mestura entre pop, folk e electrónica que non van deixar indiferente a ninguén.
Sounds Like
O BAFO QUENTE DOS MICROCHIPS....
Desde as lameiras frías do norte ás seis da mañá, desde os semáforos mexados en verde polas rúas que cocen o pan de cada día, desde as obras que sangran tubos e coches facendo o amor, co bafo quente dos microchips, coa lingua pornográfica dos ceros e os uns, co código binario da carraxe e da elegancia, a cultura popular colle da man e gaña o pulso á modernidade apodrecida do discurso único. Quérennos tristes, queimados, enlamados no gasoil do desengano: a resposta pop, corpo a corpo, democrática e popular, desde os cuartos escuros do Instituto Galego do Son. Future Sounds of Galician Pop Army. Zimmer103, ese francotirador que non ves e che dispara.
Dende os estudios Grozni de Ribadeo [Galiza], ZIMMER103 , o proxecto pilotado polo francotirador xermán viluba dispara dende a fiestra da Rúa Rosalía de Castro perigosa psicofonías de electro-folk alieníxena galego . O futuro non é de naide!!
